“Татфондбанк” клиентларының яртысыннан артыгы “Сбербанктан” акчаларын алганнар

Саннарга килгәндә, Түбән Камада 18 меңнән артык кеше әлеге финанс учреждениесенә ышанып, хисапларын ачканнар.

Өч көндә бер миллиардтан акча кайтарылган. Беренче көннәрдә Сбербанк офисларында кеше аеруча күп була. Түләүләр белән кыенлыклар юк. Ә менә әлеге банктан кредит алучыларга бурычны кайтармыйча түләү башкарылмый. Коммуналь хезмәтләрне интернет аша түләп, бердәм хисап үзәгенә барып җитмәгән акчаларны кайтару буенча да банкка мөрәҗәгать итәргә кирәк. Хәзер ярты миллион сум якын акча һавада асылынып тора. Гариза язганнан соң акча кайтарылырга тиеш.