Сулыкларда сак булыгыз!

11 июльдән Түбән Камада коену урыннарында “кызыл” (гадәттән тыш) куркыныч дәрәҗәсе кертелгән.

Бу хакта шәhәр хакимиятнең матбугат хезмәте үзенең рәсми сайтында хәбәр итә.

Түбәнкамалыларга җиһазландырылмаган урыннарда су кермәскә, сулыкларда спиртлы эчемлекләр кулланмаска, шулай ук, су коенган балаларга игътибарлырак булырга киңәш итәләр.

Искәртеп узабыз, кичә Түбән Кама янындагы күлдә 70 яшьлек ир-ат спиртлы эчемлек кулланган хәлдә су кергән hәм батып үлгән. Берничә көн элек шундый ук фаҗигале хәл булган: 15 яшьлек яшүсмер Кама елгасында батып үлгән.