Рөстәм Миңнеханов АКШта

АКШ татарлары Рөстәм Миңнеханов белән очрашуда "Туган тел" җырын башкарган.

9-11 ноябрьдә Татарстан Президенты Рөстәм Миңнеханов Америка Кушма Штатларына эшлекле сәфәр кыла һәм эш сәфәре кысаларында Америка төрки-татар ассоциациясе җитәкчелеге һәм активистлары белән очрашты.

Татарлар белән очрашудан фотографияләрне Рөстәм Миңнеханов "Инстаграм"дагы шәхси битенә урнаштыра. Татар йорты залында булган очрашуга 50дән артык кеше килгән иде. Очрашу ахырында кунаклар Габдулла Тукай сүзләренә иҗат ителгән "Туган тел" җырын башкарды.