Җәмигъ мәчетендә кичке курслар дәвам итә

Быел 3 ир-атлар, 7 хатын-кызлар төркеме җыелган. Ислам нигезләрен өйрәнү Татарстан Республикасы Мөселманнар Диния Нәзарәте программасы буенча алып барыла.

Дәресләр Җәмигъ мәчетендә үткәрелә. Хәзер монда бер меңгә якын хатын-кыз ислам нигезләрен өйрәнә. Укулар мәктәптәгечә: һәрбер фәннән аерым укытучы. Мисал өчен, хатын-кызлар бүлегендә 13 мөгаллимә эшли. Укучыларга билгеләр дә куела. Дини белем алу өчен махсус килеп йөргән мөслимәләр бирелеп укый, араларында өчле алучы юк икән.

Ислам нигезләрен өйрәнү Татарстан Республикасы Мөселманнар Диния Нәзарәте программасы буенча алып барыла. Өч ел буена укучылар коръән укырга, гарәпчә язарга өйрәнәләр.

Укулар атнага ике тапкыр үтә. Әйтергә кирәк, Ислам нигезләре һәм Коръән уку буенча кичке курслар ир-егетләр өчен дә оештырыла. Мөселманнарга уңайлы булсын өчен, дәресләр ахшам намазыннан соң, кичке вакытта үткәрелә.