Караңгы урамнар, тулган ливневкалар, автобусларның озак килмәве һәм траспортта йөрү кыйммәтләнүе...

Дәүләт Советы утырышында Шәһәр инфраструктурасы үсеше буенча комиссия әгъзаларының әңгәмәсе әнә шул хакта барды.

ЮХИДИ биргән мәгълүмат буенча, юл-транспорт һәлакәтләре санын киметми: былтыр - 233, быел 250 авария теркәлгән. Моның сәбәбе - кайбер урыннарда урамнарның тиешенчә яктыртылмавы, шулай ук билгеле участокларда җәяүлеләр өчен юл кичүләре төзелмәве.

Тагын бер зур проблема - җәмәгать транспортының сирәк йөрүе, өстәвенә автобуста йөрү ике сумга кыйммәтләнәчәк. Яхшы хәбәрләргә килгәндә, депоны Бакый Урманче һәм Южная урамнары белән бәйләүче яңа трамвай юлы буенча проект инде әзер. Ул экспертизага җибәрелгән.