Берәүләр балалар өчен тау ясый, икенчеләр чыршы бизи

Түбән Кама урамнарында бәйрәм мохиты сизелә башлады. Кайбер микрорайоннарга Кыш бабай белән кар кызы да килделәр.

Бакый Урманче урамындагы 31нче, 33нче йортта яшәүчеләр ишегалларын үз теләкләре, хыяллары буенча бизи. Түбәнкамалылар шулай ук балаларга рәхәтләнеп шуар өчен тау да җиткерәләр.

Шәһәрдәшләргә Яңа ел кәефен җирле үзидарә, идарәче компания, йортлар буенча өлкәннәр бүләк итәргә була. Олыларны да, кечеләрне дә чыршы тирәсендә җыр-бию, конкурслар көтә.

Бәйрәм уңаеннан төрле бәйгеләр дә оештырыла, 28 балалар бакчасында "Яшә, чыршы!" конкурсын үткәрергә булалар. Чарада 19 мәктәпкәчә мәгариф идарәсе учреждениесе катнашырга теләк белдерә. Тәрбиячеләр, ата-аналар, балалар бергәләп гадәти булмаган чыршылар ясап, аларны бизиләр.