Бердәм дәүләт имтиханнары якынлаша

Аларны тапшыру өчен гариза беренче февральгә кадәр бирелергә тиеш. Сүз уңаеннан 2017 елда үзгәрешләр дә көтелә, мисал өчен, тестлау форматы юкка чыккан.

Ике мәҗбүри фән: рус теле һәм математика шул килеш кала. Аларны уңышлы тапшыру аттестат алу мөмкинлеге бирә. Теләк буенча сайланган фәннәр укучыларның кайсы югары уку йортына керергә теләүләре белән бәйле. Чит теле предметында үзгәрешләр юк, тестлау шул килеш кала.

Хәзерге вакытта мәктәпләрдә Бердәм дәүләт имтиханына әзерлек бара. Быел гамәлгә кергән үзгәрешләргә укытучылар уңай карашта.