Туган як

Ул көн онытылмый

Бөек Ватан сугышы башлануга 77 ел тулды. 22 июньдә Россиядә, шул исәптән шәһәребездә дә Хәтер һәм кайгы көне узды.

Түбән Кама предприятиеләре, белем бирү йортлары, җирле хакимият, төрле оешмалар вәкилләре Җиңү монументы янында җыелды. Бирегә сугыш афәтен күргән, авырлыгын үз җилкәләрендә күтәргән ветераннар да килде. Түбән Кама районыннан (элекке Ширәмәт районы) фронтка 8 меңнән артык кеше китә. Көндезге сәгать 10 да митинг узды, 21.00 сәгатьтә шәмнәр кабызылып, күккә 77 шар очырылды.  
Бу көнне шәһәрдә беренче мәртәбә «Солдат язмышы» акциясе узды. Сугышта үлгәннәрне яки хәбәрсез югалганнары табарга теләүчеләр махсус оештырылган пунктларга мөрәҗәгать итте. Шуларның берсе НТРда урнашкан иде. 

Нравится
Поделиться:
Реклама
Комментарии (0)
Осталось символов: