Туган як

Түбән Камадан башка шәһәрләргә өч автобус маршруты хәрәкәте яңартыла

12 майдан Түбәнкамалылар кабат муниципальара маршрутлардан файдалана ала.

Шулай итеп, пассажирлар йөртүчеләргә даими рейслар башкарырга рөхсәт ителә, әмма кайбер профилактик чараларны үтәп. Бу хакта ТР Транспорт министрлыгы хәбәр итә.

Түбән Камадан Казанга (2 рейс), Яр Чаллыга (5 рейс) һәм Әлмәткә (1 рейс) автобус маршрутлары яңартыла.

Транспорт предприятиеләрендә, автовокзалда биналарга һәм автобусларга дезинфекция үткәрелә. Килүчеләргә дистанцияләрне үтәү өчен чикләү полосалары ясалган. Шулай ук пассажирларның битлекләре һәм перчаткалары булырга тиеш. Санитар таләпләрнең үтәлешен контрольдә тотачаклар.  

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: