Туган як

Түбән Камада «ял атнасы» кысаларында балалар бакчалары эшләячәк

Түбән Камада мәктәпкәчә белем бирү учреждениеләре үз эшләрен киләсе атнада да дәвам итәчәк. Бу хакта бүген ТР премьер-министры урынбасары Ләйлә Фазлыева хәбәр итте.

“Мәктәпкәчә белем бирү учреждениеләрен бөтенләй ябып булмый. Аларның эше дәвам итәчәк” – дип белдерде Ләйлә Фазлыева.

Димәк, «ял атнасы» режимында эшләүче ата-аналар балаларны балалар бакчаларына китермәячәк, ә безнең республикабызның тормыш-көнкүрешен тәэмин итүче һәм эшен калдыра алмаган ата-аналар балаларын балалар бакчаларына китерәчәк.

Шулай ук ул Татарстанда мәктәп каникулларын 12 апрельгә кадәр озайтырга карар ителгәнлеген әйтте.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: