Туган як

Түбән Камада яңа йортлар янындагы юл участогын ябачаклар

Түбән Камада 1 августка кадәр Тынычлык проспектын Корабельная урамы белән тоташтыручы юл ябыла.

Тынычлык проспекты буенча Корабельная урамы киселешенә кадәр автомобиль юлы төзелеше бара. Шуңа бәйле рәвештә яңа йортлар янындагы юл участогы ябылачак. Бу хакта Түбән Кама муниципаль районы рәсми сайтында хәбәр ителә.

Объект «Куркынычсыз һәм сыйфатлы автомобиль юллары» илкүләм проектына кертелгән. 49 нчы микрорайондагы әлеге юлны салганда, тротуарлар һәм велосипедчылар өчен юллар төзү дә каралган. Илкүләм проект кысаларында шулай ук урамнарны яктырту буенча эшләр дә планлаштырылган.

Фото: tat.e-nkama.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: