Туган як

Түбән Камада Тынычлык проспектында яңа юл төзелеше башланды

Түбән Камада ике балалар бакчасы, шулай ук ике юл участогы төзелеше башланды. Эшчеләр Тынычлык проспектын Корабельная урамы белән тоташтыручы участокка кереште. Объект “Куркынычсыз һәм сыйфатлы автомобиль юллары” милли проектына кертелгән.

Хәзер Түбән Кама юлларында гомуми изоляцияләнүе сәбәпле автомобиль хәрәкәте аз, эшчеләр бу хәлдән файдаланырга карар кылган. Тынычлык проспектын дәвам итү буенча эшләр актив стадиягә керде.

200 метр озынлыктагы участок яңа микрорайоннарны шәһәрдән чыгу юлы белән тоташтырырга тиеш. Бу шулай ук автомобиль траффиклары белән йөкләнгән студентлар урамын һәм якын-тирә юлларны азат итәргә мөмкинлек бирәчәк.

Эшне “Алексеевскдорстрой” компаниясе башкара. План буенча биредә тротуарлар һәм велосипед юллары да ясалачак, урамнарда яктырткычлар куелачак. Тынычлык проспектыннан тыш, быел Шинниклар проспекты да төзекләндереләчәк. Эшләрне финанслауның гомуми күләме якынча миллиард сум тәшкил итәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: