Туган як

Түбән Камада кеше үлеменә китергән юл-транспорт һәлакәте булган

31 майда Ильинка – Түбән Кама юлында үлем белән тәмамланган ЮТҺ булган. Бу хакта Түбән Кама ЮХИДИ идарәсе хәбәр итә.

«ВАЗ-211440» автомобиле руле артында 58 яшьлек машина йөртүче булган.

Ильинка авылы ягыннан Түбән Кама юнәлешендә хәрәкәт иткәндә машина йөртүче юл йөрү кагыйдәсен бозып, каршы як полосага чыга һәм аның каршына килүче автомобильгә бәрелмәскә тырышып, кюветка төшеп китә һәм агачка бәрелә.

Юл-транспорт һәлакәте нәтиҗәсендә машина йөртүче төрле тән җәрәхәтләре белән хастаханәгә озатыла.

57 яшьлек пассажир юл-транспорт һәлакәте урынында ашыгыч ярдәм килгәнче үлгән. Хатын-кызның алгы пассажир утыргычында булуы һәм куркынычсызлык каешын эләктерүе хакында хәбәр ителә.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: