Туган як

Түбән Кама яхшылыкка тарта

22 сентябрьдә Лемаев скверындагы амфитеатр мәйданында, Түбән Кама шәһәренең рәсми туган көне уңаеннан, төрле чаралар һәм бәйрәм концерты була.

Халык иҗаты йортының иҗат коллективы шәһәрдәшләребезне үз мәйданына күңел ачу программасында катнашырга чакыра. Анда һәркем ярата торган «Забавушка», «Ләззәт», «Панорама» вокаль-хореография коллективлары чыгыш ясаячак. Капоэйр, паркур, брейк-данс, каратэ мәктәпләре вәкилләре мастер-класслар уздырачак. Циркчылар һәм тере сыннар тамашалары булачак. Тәҗрибәле психологлар урамда ук, ата-аналарга һәм балаларга мастер-класслар үткәрәчәк. Түбән Камага багышланган кызыклы викториналар оештырылачак. Актив катнашучыларны призлар һәм сюрпризлар көтә, әлбәттә. 
Мастер-класслар – 15.30 сәгатьтә, концерт программасы 16.00 сәгатьтә башлана. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: