Туган як

С.Сәйдәшев исемендәге музыка көллиятендә капиталь ремонт бара

Соңгы мәртәбә мондый зур дәрәҗәдә төзекләндерү эшләре 90нчы елларда уздырылган. "НФ-строй" предприятиесе җитәкчесе Фәнил Нәҗмиев әйтүенчә, музыка көллиятенең концертлар залы сәхнәсе заман таләпләренә туры киләчәк. Ул 3д формасында ясала. Шундый формада - залның диварлары да. Шулай да, төп максат - зал горурлыгы булган уникаль яңгырашны саклап калу. Түшәм исә ике...

Соңгы мәртәбә мондый зур дәрәҗәдә төзекләндерү эшләре 90нчы елларда уздырылган.

"НФ-строй" предприятиесе җитәкчесе Фәнил Нәҗмиев әйтүенчә, музыка көллиятенең концертлар залы сәхнәсе заман таләпләренә туры киләчәк. Ул 3д формасында ясала. Шундый формада - залның диварлары да. Шулай да, төп максат - зал горурлыгы булган уникаль яңгырашны саклап калу.

Түшәм исә ике төрле биеклектә ясала. Залны яктырту шулай ук үзгә һәм заманча булачак. Биредә барысы да ап-ак төскә буялачак, диварларга мәрмәр валчыгы ябыштырылачак. Шунысы да бар - яңа технологияләр янгын куркынычсызлыгы таләпләренә дә туры килә.

Сәхнәдән кала, грим бүлмәләрен дә төзекләндерү көтә: биредә диван, зур шкаф, бизәнү өчен өстәл урнашачак. Сүз уңаеннан, көллиятнең үзендә дә үзгәрешләр бар - аның барлык тәрәзәләре алыштырылган. Болар барысы да студентлар күңеленә хуш килә.

Эш 25 декабрьдә тәмамланыр дип көтелә. Беренче концерт яңартылган сәхнәдә 13 гыйнварда узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: