Туган як

Җитди мәсьәләләр күтәрелде

Түбән Кама районында татар телен һәм милли мәдәниятне саклау мәсьәләләре буенча Бердәмләштерү Киңәшмәсе әгъзаларының чираттагы күчмә җыелышы НТР медиахолдингында узды.

Түбән Кама Иҗтимагый советы рәисе Хәмзә Баһманов җитәк-челегендә килгән җәмәгатьчелек вәкилләре өчен башта компания буенча экскурсия оештырылды. Кунаклар телестудияне һәм аның җиһазланышын карадылар, DFM радиостудиясендә, «Яңалыклар» хезмәтендә, «Туган як» һәм «Нижнекамская правда» редакцияләрендә һ.б. бүлекләрдә булдылар.
Соңыннан «ТАТМЕДИА» акционерлык җәмгыятенең «Түбән Кама-информ» филиалы җитәкчесе Наталья Реджеп-Алиева Бердәмләштерү Киңәшмәсе әгъзаларының күп санлы сорауларына җаваплар бирде. Анда, аерым алганда, татар телен саклау һәм үстерү буенча  телевидение һәм басма мәгълүмат чараларының мөмкинлекләрен арттыру мәсьәләләре күтәрелде.

Фото https://ntr-24.ru/ сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: