Туган як

Балалар кабул итәрме?

Укучыларны тукландыру системасының бердәнбер операторы итеп, азык-төлек һәм социаль туклану Департаменты (Казан шәһәре) сайланган. Яңа уку елына кадәр мәктәп ашханәләре 8 миллион сумга яңартылачак. Бу мәгълүматны администрациядә узган киңәшмәдә мәгариф идарәсе начальнигы Вадим Матюшин җиткерде. Тукландыруны оештыручы предприятие 50 максус суыткыч, пар ярдәме белән эшләүче 30 җиһаз (пароконвектомат), 5 бәрәңге...

Укучыларны тукландыру системасының бердәнбер операторы итеп, азык-төлек һәм социаль туклану Департаменты (Казан шәһәре) сайланган. Яңа уку елына кадәр мәктәп ашханәләре 8 миллион сумга яңартылачак. Бу мәгълүматны администрациядә узган киңәшмәдә мәгариф идарәсе начальнигы Вадим Матюшин җиткерде.
Тукландыруны оештыручы предприятие 50 максус суыткыч, пар ярдәме белән эшләүче 30 җиһаз (пароконвектомат), 5 бәрәңге чистарту җайланмасы сатып алачак.
Яңа системага күчү белән аш төрләре дә үзгәрә. Ашлар, җиңелчә ашамлыклар һәм җимешләр кертелә. Бәяләргә килгәндә, 1 сентябрьдән Түбән Камада туклану бәясе дә (дотацияне исәпкә алмыйча) үзгәрә. Өлкән сыйныфта укучылар ашау өчен көн саен уртача 60 сум түләячәк; башлангыч сыйныфтагылар өчен: бер мәртәбә ашау - 55 сумга, ике мәртәбә ашау 80 сумга төшәчәк. Авыл мәктәпләрендә бер мәртәбә туклану - 43 сум 80 тиен, ике мәртәбә 68 сум 80 тиен тәшкил итәчәк. Компенсация күләме исә 6 сум 80 тиеннән 20 сум 60 тиенгә кадәр артачак.
Пешекчеләр һәм кухня хезмәткәрләре тукландыруны оештырупредприятиесенә күчү сәбәпле, хезмәт хаклары да артачак икән: пешекче-бригадир 15 500 - 18 000 сум, пешекче 11 000 - 13 000 сум, кухня хезмәткәре 9 500 - 11 000 сум алачак.
«Түбән Кама укучыларын тукландыруны оештыруны бер операторга тапшыру СанПин таләпләре буенча бердәм стандарт булдырырга, сыйфатлы ашамлыклар (чимал) китертергә, мәктәп ашханәләренә санитар-гигиена һәм финанс яктан күзәтчелек итәргә мөмкинлек бирәчәк», - дип ассызыклап үтте үз чыгышында Вадим Матюшин.
Ата-аналар комитетлары әгъзалары азык-төлек һәм социаль туклану Департаментына барып, җитештерү базасы, лабораторияләр эше белән танышканнар инде, мәктәп менюсына керәчәк ашлардан да авыз иткәннәр һәм канәгать калганнар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: