Түбән Камада «КитСтрой» фирмасы вәкилләре мохтаҗларга азык-төлек тартмалары тараталар

305 тартманың һәрберсенә 1500 сумлык ризык – он, ярма, тәм-том, тушенка һ.б. – барлыгы 15 төрле әйбер салынган. 205 тартманы мохтаҗ пенсионерларга тапшыралар, 100е күп балалы гаиләләргә әзерләнгән. Азык-төлекне күзлек һәм перчатка кигән курьерлар тарата.

«КитСтрой» директоры Марат Корбанов әйтүенчә, илдә авыр хәл булганда, фирма мөмкин кадәр ярдәм итәргә тырышачак. Бу акция алга таба да оештырылыр. Хәйрияче булырга теләсәгез, KazanExpress компаниясе сайтында барлык мәгълүмат бар.