Балаларга яхшы бүләк

 

«Ѳй туе»на 25нче мик-рорайон балалары, Түбән Кама муниципаль районы башлыгы Айдар Метшин, Татарстанныӊ яшьләр эшләре һәм спорт министры урынбасары Алмаз Миӊнеголов, «Түбән Кама Нефтехим» берләшкән профсоюз оешмасы рәисе Әдип Хәйруллин чакырулы иде. «Юный техник» яшүсмерләр клубы 1980 елда ачылган. Бүген бирегә 135тән артык бала йөри: авиамодельләш-терү белән шөгыльләнә, конструктордан роботлар җыя, төрле кием модельләрен тегәргә өйрәнә һ.б. Шулай ук спорт-сәламәтләндерү һәм сәнгать бүлекләре дә эшли.

 

Клубта тәрбияләнүче-ләрне котлап, Айдар Метшин: «Бүген тагын бер төзекләндерелгән клуб ачылды. Безнеӊ өчен бу, әлбәттә, әһәмиятле вакыйга. Балаларыбызга яраткан эшләре белән өйдә һәм мәктәптә генә түгел, биредә дә шөгыльләнер өчен барлык уңайлы шартлар тудырыла. Без дә элек шундый клубларда шөгыльләндек. Ул вакытны һәм укытучыларыбызны бүген дә сагынып искә алабыз. Президент программасы ярдәме белән, ишегалды клубларына капиталь ремонт ясау мөмкинлеге булуга шатмын», - диде. Татарстан яшьләр эшләре һәм спорт министры урынбасары Алмаз Миӊнеголов та, яшь түбәнкамалыларны котлап, яшүсмерләр клубының алга таба үсүен, балаларның сәләтләрен ачарга ярдәм итүен теләде.

 

Соӊгы өч ел эчендә Түбән Камада барлыгы 11 клуб яӊартылган. Эш алга таба да дәвам итәчәк.