Түбән Каманың ЮХИДИ хезмәткәрләре тонировка яратучыларга штрафлар билгеләде

30 гыйнварда Түбән Камада «Тоннель» йөртүчеләрен массакүләм тикшерү буенча профилактик операция узды. Кыска вакыт эчендә ЮХИДИ хезмәткәрләре 18 хокук бозуны ачыклаган.

Административ материаллар тонировка яратучыларга, шулай ук куркынычсызлык каешын эләктермәгән яки укылмый торган дәүләт номерлары белән хәрәкәт иткән шоферларга төзелгән. Тагын өч автосөючегә ОСАГО полисы булмаган өчен штраф түләргә туры киләчәк, дип хәбәр итә шәһәр дәүләт автоинспекциясенең матбугат хезмәте.