Түбән Камада каршы як полосага чыккан өчен 25 шофер тоткарланган

Түбән Камада ЮХИДИ хезмәткәрләре «Каршы як полоса» профилактик чарасы барышында 25 машина йөртүчене тоткарлаган һәм административ штраф билгеләгән. Бу хакта шәһәр дәүләт автоинспекциясенең матбугат хезмәте хәбәр итә.

ЮХИДИ инспекторлары машина йөртүчеләргә мөрәҗәгать итеп, бу маневрның куркынычсызлыгына алдан ук ышанган килеш, юлның рөхсәт ителгән участокларында гына узып китү кирәклеген искәртәләр.

Бу кагыйдәне бозган өчен 5 мең сум штраф яки 4 айдан 6 айга кадәр транспорт чаралары белән идарә итү хокукыннан мәхрүм итү каралган.