Түбән Камада бәйрәм көннәрендә машина йөртүчеләрне тикшерәчәкләр

Бәйрәм көннәрендә Түбән Камада машина йөртүчеләрнең аеклыгын тикшерәчәкләр.

Әлеге чаралар 29 декабрьдә башлана һәм Яңа ел бәйрәмнәре тәмамланганчы дәвам итәчәк, дип хәбәр итә шәһәрнең Дәүләт автоинспекциясе матбугат хезмәте.

«Массакүләм тикшерү» ысулы кулланылачак, аның асылы билгеле бер вакыт аралыгында юлның конкрет өлешендә максималь санда йөртүчеләрне тикшерүдән, аннан соң башка нокталарга күчүдән һәм процедураны кабатлаудан гыйбарәт.

Моннан тыш, инспекторлар спиртлы эчемлекләр кулланганнан соң руль артына утырган йөртүчеләрне күргән очракта битараф калмаска һәм алар турында хәбәр итәргә чакырды.