Түбән Кама автоинспекторлары бәйрәм көннәрендә ун исерек шоферны тоткарлаган

Узган өч көнлек ялларда Түбән Кама ЮХИДИ хезмәткәрләре 10 исерек шоферны машина белән идарә итүдән читләштергән. Бу хакта ведомствоның матбугат хезмәте хәбәр итә.

Дәүләт автоинспекциясе автомобильчеләргә исерек килеш машина йөртү өчен җаваплылык турында искәртә: беренче тапкыр машина йөртүчегә хокукларыннан мәхрүм итү һәм 30 мең сумга кадәр штраф яный, ә исерек килеш руль артына кабат утырган өчен җинаять эше кузгатылачак.