Түбән Камада ике кешене наркотиклар белән тотканнар

Бу хакта Россия Эчке эшләр министрлыгының Түбән Кама районы буенча идарәсе матбугат хезмәте хәбәр итә.

27 июнь көнне 11.00 сәгать тирәсендә Солнечная урамындагы 9 нчы йорт янында 20 яшьлек егетне тоткарлаганнар. Полицейскийларны күрүгә ул полимер пакетны ташлаган, шуңа да үзенә игътибарны җәлеп иткән. Пакетта 0,99 грамм «мефедрон» наркотик булган.

Икенче көнне кичке биш тирәсендә 37 яшьлек ирне тоткарлаганнар. Ул тәмәке капчыгында 0,70 гр «PVP» наркотигын яшергән булган.

Аларга карата җинаять эше кузгату мәсьәләсе хәл ителә.