Татарстанда 31 гыйнварга кадәр «Каршы як полоса» операциясе бара

22 гыйнвардан 31 гыйнварга кадәр Татарстанда «Каршы як полоса» оператив-профилактик чарасы уза.

Бу чорда ЮХИДИ хезмәткәрләре билгеләр тарафыннан тыелган урыннарда алда баручы машинаны узып китүчеләргә игътибар итәчәк. 

ТР Дәүләт автоинспекциясендә искәртүләренчә, тиешсез урында узып киткән өчен 5 мең сум күләмендә штраф яки 6 айга кадәр транспорт чарасы белән идарә итү хокукыннан мәхрүм итү, бу кагыйдәне кабат бозган өчен 1 елга идарә итү хокукыннан мәхрүм итү яный.