2023 елда Түбән Кама юлларында 19 өлкән кеше һәм ике бала һәлак булган
12 ай эчендә шәһәр һәм район территориясендә 164 юл-транспорт һәлакәте теркәлгән.
Түбән Кама дәүләт автоинспекциясе 2023 елда юлларда булган аварияләргә нәтиҗә ясады.
Шулай, 12 ай эчендә шәһәр һәм район территориясендә 164 юл-транспорт һәлакәте теркәлгән, аларда 21 кеше һәлак булган, тагын 192 кеше төрле дәрәҗәдәге җәрәхәтләр алган.
Машина йөртүчеләр гаебе белән 151 юл-транспорт һәлакәте килеп чыккан, аларда 19 кеше һәлак булган, 181 кеше җәрәхәтләнгән. Җәяүлеләр гаебе белән булган 13 авариядә 2 кеше һәлак булган, 11 кеше җәрәхәтләнгән. 16 яшькә кадәрге балигъ булмаганнар катнашында 22 юл һәлакәтендә 2 бала һәлак булган, 24е җәрәхәтләнгән.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев