Туган як

Уен талауга китергән

Микрофинанслау офисларын талаучы бәндә кулга алынган. Беренче очрак 8 гыйнварда булган. Җинаятьче бүлмәгә кереп, хезмәткәр кызга пычак белән янап, 27 мең 100 сум акча талап алган. Шул схема буенча эшләү уе белән 11 гыйнварда ул үзәк базар янындагы кассага кергән, әмма кассир сигнализация төймәсенә басып өлгергән. «Дөясе булмагач, энәсе дә...

Микрофинанслау офисларын талаучы бәндә кулга алынган.
Беренче очрак 8 гыйнварда булган. Җинаятьче бүлмәгә кереп, хезмәткәр кызга пычак белән янап, 27 мең 100 сум акча талап алган. Шул схема буенча эшләү уе белән 11 гыйнварда ул үзәк базар янындагы кассага кергән, әмма кассир сигнализация төймәсенә басып өлгергән. «Дөясе булмагач, энәсе дә ярар» дипме, «чакырылма-ган кунак» кәрәзле телефон урлап качкан. Талаучы 12 гыйнварда Химиклар урамындагы офистан 15 мең сум алып качкан. Бер сәгать узуга, полиция хезмәткәрләре беркая да эшләмәүче 32 яшьлек адәмне кулга алганнар. Бу вакытта үзе белән урланган телефон һәм аз гына акчасы булган.
Полициядә ир букмекер контораларында акча оттырганлыгы турында әйткән. Китерелгән зыяны 45 мең сум тирәсе. Шунысы да билгеле: ир алдау һәм урлау очраклары буенча элек тә хөкемгә тартылган булган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: