Түбән Камада яшәүче 70 яшьлек пенсионер мошенникларга 445 мең сум акча биргән

Түбән Камада 70 яшьлек пенсионер мошенникларга 445 мең сум акча биргән. Россия Эчке эшләр министрлыгының Түбән Кама районы буенча идарәсе матбугат хезмәте хәбәр иткәнчә, хатын-кызга билгесез кешеләр шалтырата, шалтырату вакытында «Энергосбыт» логотибы яктыра. Шалтыратучы электр счетчикларын тикшерергә кирәк, дип белдерә, һәм мастерның килүен теркәү өчен смс-хәбәрдән код таләп итә.

Тиздән икенче шалтырату килә — бу юлы хокук саклау органнарының ялган хезмәткәрләреннән. Җинаятьчеләр, үзләрен полиция хезмәткәрләре дип таныштырып, хатын-кызны аның шәхси мәгълүматлары куркыныч астында булуына ышандыра. «Акчаларны яклау» сылтавы белән алар пенсионерканы акчаларын «куркынычсыз» счетка күчерергә мәҗбүр итә.

Әлеге факт буенча «Мошенниклык» маддәсе буенча җинаять эше кузгатылган.