Туган як

Кисәтүләр урынлы

30 июльгә кадәр Түбән Камада «Бала – төп пассажир» дигән куркынычсызлык акциясе узачак.

Дәүләт автоинспекциясе бу уңайдан күптөрле чаралар уздыра. Быел 16 яшькә кадәрге балалар катнашында 13 юл-транспорт һәлакәте теркәлгән, 12 бала җәрәхәтләнгән, берсе һәлак булган. Канун буенча 12 яшь-кә кадәрге бала машинада буена һәм авыр­лыгына туры килгән утыргычта һәм куркы­нычсызлык каешлары каптырылып йөрергә тиеш. 12 яшьтән соң куркынычсызлык каеш­ларын гына каптыру җитә.

Акция кысаларында шушы көннәрдә «Тоннель» операциясе узган. Бер сәгать эчендә ЮХИДИ бүлеге хезмәткәрләре тара­фыннан 70 машина тикшерелгән. Өч маши­нада балаларны махсус утыргычка утыртма­улары, җиде йөртүченең куркынычсызлык каешларын каптырмавы, сигезенең ОСАГО булмавы, бер машинаның төзексез икәне ачыкланган.

Фото https://www.e-nkama.ru сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: