Туган як

Бәхетсезлек очрагы

Җиде яшьлек кыз бишенче каттан егылып төшкән.

Вакыйга Мурадьян урамындагы 16 нчы йорт­та булган. Табиблар урынга тиз арда килеп җиткән. Сул балтыры сынган һәм үпкәләре җәрәхәтләнгән баланы реанимациягә салган­нар. Бәхеткә, кыз аңында, табиблар аның үзе ашавын да хәбәр иттеләр.

Билгеле булганча, ул башка балалар белән балконда уйнаган. Ачык тәрәзәнең челтәренә таянгач, шул челтәр белән тәрәзәдән төшеп киткән. Моны берничә кеше күреп алган. Пен­сионер Валентина Шашина әйтүенчә, кызчык башта хәрәкәтсез яткан, аннары селкенә баш­лаган, ярдәмгә якында эшләгән төзүчеләр дә килеп җиткән.

Табиблар түбәнкамалыларны балаларны ка­раусыз калдырмавын сорый. Ничек кенә эссе булса да, тәрәзәләрне тутырып ачмагыз – москит челтәре хәтта сабыйны да саклап кала ал­маячак.

Фото https://ntr-24.ru/ сайтыннан алынды

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: