Полиция хәбәр итә
Караңгылатылган тәрәзәләргә каршы
Республикада, шул исәптән Түбән Камада да, «Тонировкасыз Татарстан» профилактика чарасы узган. ЮХИДИ хезмәткәрләре бер атна дәвамында техник таләпләргә туры килмәгән автомобильләр йөртүчеләрне туктатып, җәзага тарткан. Түбән Кама инспекторлары машина йөртүчеләрне тагын бер мәртәбә кисәтә: автомобильнең алгы пыяласы һәм алгы ян-яктагы ишектәге пыяласының нур үткәрүчәнлеге 70 проценттан да ким булмаска тиеш....
Республикада, шул исәптән Түбән Камада да, «Тонировкасыз Татарстан» профилактика чарасы узган. ЮХИДИ хезмәткәрләре бер атна дәвамында техник таләпләргә туры килмәгән автомобильләр йөртүчеләрне туктатып, җәзага тарткан.
Түбән Кама инспекторлары машина йөртүчеләрне тагын бер мәртәбә кисәтә: автомобильнең алгы пыяласы һәм алгы ян-яктагы ишектәге пыяласының нур үткәрүчәнлеге 70 проценттан да ким булмаска тиеш. Таләп үтәлмәгән очракта йөртүче административ җәзага - 500 сум күләмендә штрафка тартыла. Бер мәртәбә тотылып та, кагыйдәне бозучы тагын туктатылса, аңа 15 тәүлеккә кадәр рәшәткә артында утырып чыгарга туры киләчәк. Шәһәребездә барлыгы 50 тәртип бозучы ачыкланган.
Түбән Кама ЮХИДИнең пропаганда бүлеге.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев