Бәхеткә, барысы исән калганнар

Авария көндезге сәгать 12ләр тирәсендә булган. «Луидор 3009 АЗ» йөк машинасы йөртүчесе, 37 яшьлек Казан кешесе зур тизлек белән барганда, идарәне югалткан. Машина каршы як юлга чыгып “Киа Рио” автомобиле белән бәрелешкән, аннары авып, “Фольксваген Джетта” автомобиленә бәрелгән. “Фольксваген” руле артында – 26 яшьлек яшь хатын, ә салонда ике һәм дүрт яшьлек сабыйлары булган. Авария нәтиҗәсендә олы баласының җилкәсе сынган, кечкенәсенең башы җитди җәрәхәтләнгән. Аларны хастаханәгә алып киткәннәр. Ике сабый да махсус автоутыргычта булган.

Фото: https://ntr-24.ru/