Түбән Камада тыл ветераны Мария Шикунова 101 яшьлеген билгеләп үтте

Түбән Камада тыл ветераны Мария Шикунова 101 яшьлеген билгеләп үтте

Түбән Камада 101 яшьлек тыл ветераны Мария Шикунованы өлкәннәр көне белән котладылар. Мария Ивановна күп котлаулар һәм бүләкләр алды.

Аның өлешенә сугыш авырлыклары, тылдагы авыр хезмәт кебек сынаулар туры килә. Ләкин барлык авырлыкларга карамастан, ул яшәү тәмен югалтмаган, яшь буынга да шуны тели.

«Намус белән эшләсеннәр, уйлаганнарын үтәсеннәр. Барыгызга да игелек», — дип теләде Мария Шикунова.

Ветеранның фатирында кунаклар күп җыелды. Гомер бәйрәме белән котларга беренчеләрдән булып «Беренчеләр хәрәкәте» егетләре, территориаль үзидарә һәм идарәче компания вәкилләре килде. Бүләкләр һәм җылы сүзләрне район башлыгы Радмир Беляев та җиткерде. Ул Мария Ивановнага сәламәтлек һәм озын гомер теләде. 

«101 ел, бу, әлбәттә, бик көчле. Шуңа күрә Ходай сәламәтлек бирсен. Һәм 105 яшьне дә шулай бергә билгеләп үтәргә тиеш. Ә аннары 110 яшь һәм алга таба», — дип теләк теләде Радмир Беляев.

Мария Ивановна кунакларны күрүгә бик шат иде. Ул аларга тормышы турында сөйләде һәм барысын да киләсе елда билгеләп үтеләчәк туган көненә чакырды.