Түбән Камада лицей укучылары интеллектуаль квест үтте һәм фәнни шоу карады
Мондый чаралар укучыларга фәнне тирәнтен өйрәнүгә кызыксыну уятырга ярдәм итә.
Түбән Каманың 24 нче лицей-интернатында Фән көне узды. Традиция буенча, бишенче сыйныфтан сигезенче сыйныфка кадәр укучылар командаларга бүленеп, укытучылар әзерләгән интеллектуаль квест үтте.
Балалар төрле фәннәр буенча берничә станция аша үтәргә һәм укытучыларның сорауларына җавап бирергә тиеш иде.
Мәктәп укучыларының математика, физика, химия, телләр, география, биология һәм башка фәннәр буенча белемнәрен бәяләделәрр. Иң кызыгы, укучыларны практикада көтә иде. Балаларга химик реакцияләр һәм физик күренешләр белән фәнни шоу күрсәтелде. Мондый чаралар укучыларга фәнне тирәнтен өйрәнүгә кызыксыну уятырга ярдәм итә.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев