Түбәнкамалылар үз ишегалларында кечкенә чыршы шәһәрчеге оештырган

Түбән Каманың Кайманов урамындагы 11 нче йортта яшәүчеләр ишегалдын һәм подъездны Яңа елга иң матур бизәү буенча конкурста катнаштылар.

Алар подъезд тәрәзәләрен кар бөртекләре белән бизәгән, гирляндалар элгәннәр, ә фотоларны социаль челтәрләрдә урнаштырганнар.

Шулай ук түбәнкамалылар үз ишегалларында кечкенә чыршы шәһәрчеге ясап куйганнар. Мондый яңа ел әкиятен йортта яшәүчеләр үз куллары белән булдырган. Шәһәрчекне ясауда микрорайонның территориаль иҗтимагый үзидарә советы, торак идарәче компаниясе җитәкчелеге, җирле депутат һәм башкалар ярдәм иткән.