Матур эшләребез бар
Түбән Кама имам-мөхтәсибе пенсионерларны бушлай чәй эчәргә чакырды
Шәһәрдә шундый ике урын бар.
Түбән Кама һәм Түбән Кама муниципаль районы имам-мөхтәсибе Салих хәзрәт Ибраһимов пенсионерларның кайда бушлай кайнар чәй эчә алулары турында сөйләде. Видео белән ул «ВКонтакте» социаль челтәрендә уртаклашты.
Шулай итеп, шимбә-якшәмбедән тыш, көн саен, 9дан 11:00 сәгатькә кадәр базар комплексы территориясендәге трамвай тукталышы янында урнашкан «Ихлас — Искренность» павильонында пенсионерлар бушлай чәй эчеп җылынып чыга ала.
Моннан тыш, шундый ук урын хәзер Химиклар проспектындагы шәһәр мәчете янындагы «Сөләймән» кафесында да бар.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев