Туган як

Яши-яши төшенәм

шигырь

Азмы, җирдә яшәгәндә,
Тапканы-югалганы,
Күрмичә узып киткәне,
Я туктап юатканы?
Тормышлар болганчык судай,
Буталып бетте халык.
Ятьмәгә үзе керә бит
Болганчык суда балык.
Сизеп алды түрәләр дә,
Өстәгеләргә җайлы:
Тирәндә болгатып булмый,
Сайлыйлар шуңа сайны.
Баш очында күпме козгын:
Сизгәннәр табыш исен.
Үзгәрә дә куя дөнья,
Төшендем генә дисең...

Сабый булганбыз моңарчы,
Яши-яши төшенәм:
Каты итеп сорый дөнья
Бик еш кына кешедән.
Беркем түгел, без гаепле
Әгәр беркөн ялгышсак.
Яшим дисәң, җавабын бел:
Тормыш – тоташ табышмак.
Рифкать Имаев

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: