Яхшы үрнәк

Сәнгать кешеләре үзгә,
Бераз гына сәеррәк.
Бәлки шулай булулары
Безнең өчен хәерл(е)рәк.
Җаннарында күбесенең
Хактыр илһам дөрләгәне.
Алар мондый минутларда
Күрәләр без күрмәгәнне.
Гаепләмим бу халыкны,
Булмаганны таптырмыйлар.
Ә гадәти әйберләрне
Хыял белән матурлыйлар.
Алар безгә яхшы үрнәк,
Алар булган әле ярый.
Әз булса да яхшырабыз
Без аларга карый-карый.
Рифкать Имаев

Фото: https://pixabay.com/ru/