Кич утырганда
Төш юрау
Тешләремнең төшкәне юк –
Авызым тулы тешем.
Төшләремдә генә күрәм,
Коелган чагын тешнең.
Хатын әйтә:
«Төшләреңне
яман хәлгә юрама!»
Юрасам, юрамасам да,
Якыннарым югала.
Әгәр күрсәм төшләремдә,
Коелган тешләремне,
«Дошманнарым
югалсын!» – дип
Юрармын төшләремне.
Нурулла Гаптуллин
Фото https://pixabay.com сайтыннан алынды
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев