Туган як

Шигъри тәлгәшләр

Миләш

Ап-ак карларны
                        бизәкләп,
Сибелеп ята миләш.
Син дә юк инде, алар да.
Кем бирер миңа киңәш?

Йөгерде, күзләр 
                       ышанмый,
Өзелгән җимешләре.
Үзгәрде авыр кичереп.
Йөрәкнең тибешләре.

Кичергәндер инде алар,
Җилләрнең давылларын.
Үткәннәрдер 
                  күпләр карап,
Сагынып авылларын.

Җыя торгач чәчелгәндер,
Миләшнең сагышлары.
Шулдыр инде бу 
                   тормышның,
Яшертен агышлары...
Әлфия Сибгатуллина.

Ниндие
Кайберәүләр
                 сорый миннән,
Сөйгәнсездер, билгеле.
Ә, шулай да сезгә ошый,
Мәхәббәтнең ниндие?

Җавап бирәм: – 
                        Гомер буе
Сөйдерер-янырдае.
Гомергә бездән башкага 
Сер булып калырдае.
Илдус ГОБӘЙДУЛЛИН.

Синең белән
Самоварда 
            чәем кайнаганчы
Ашы пешеп 
                 килә табынга,
Чын күңелдән 
         рәхмәт әйтим әле,
Кочып алып
                ошбу хатынга. 
Рәхмәт сиңа
            җирдә булганыңа,
Туган өчен 
              минем бәхеткә,
Мин бит фәкать 
           синең белән генә
«Бәхет» дигән
                олы тәхеттә.
Синең белән генә 
                   җан кисәгем,
Мин күкләрнең 
               җиде катында.
Югалмамын 
          көчле бураннарда,
Адашмамын
             юллар чатында.
Синең белән, 
      фәкать синең белән,
Канатлы мин
            очар кошлардай,
Күңелемдә кояш, 
                   йөзем көләч,
Уйларым саф 
          ап- ак кышлардай.
Телим сиңа 
       саулык- сәламәтлек,
Шатлык белән тулсын 
                        көннәрең,
Көмешкә тиң булса 
                 яшьлекләрең,
Алтын булсын
            гомер көзләрең!!
Мирзанур Шәйморзин.

Дөнья шулай инде
Шашып яратасым
                     килгән иде, 
Онытылып килде үбәсем.
Уйларымда 
       назлап сөйдем сине,
Сине генә килде күрәсем.

Аңламадың 
         минем хисләремне, 
Өмет канатларым 
                          каерыла.
Китеп барам 
          бәхет илләреннән,
Юлларыбыз инде аерыла.

Нигә сөю 
           өчпочмаклы икән, 
Кырыс булды 
                 безгә карата?
Син яраткан 
           ярлар сине сөйми,
Яратмаган сине ярата.
Ралия КӘРИМОВА.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: