Туган як

Сагынганда

Син булмагач, кызык түгел, Бер ямь юк табыннарда.

Башкача була аламы,
Өзелеп сагынганда.

Нигә миңа башка берәү
Тик сиңа табынганда?
Салкын су да берни түгел,
Ут булып кабынганда.

Кайтам шуңа һәрчак очып
Хыяллар канатында.
Тагын шулай язган кемгә
Баш җуеп яратырга.

Ник тыярга бу күңелне
Очам, дип кагынганда?
Еш булмыйдыр мондый мизгел –
Бары тик сагынганда.
Рифкать Имаев
Фото pinterest.ru сайтыннан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: