Туган як

Әле ярый...

Шигъри тәлгәшләр

Әле ярый түрәләр бар
Башка уй салыр өчен.
Әле ярый юләрләр бар
Гыйбрәт алыр өчен.

Әле ярый сусаулар бар
Су кад(е)рен белер өчен,
Әле ярый туган җир бар
Кайтып сыеныр өчен.

Әле ярый чишмәләр бар
Шигырьләр язар өчен,
Әле ярый чибәрләр бар
Акылдан язар өчен.

Әле ярый оныклар бар
Күтәреп сөяр өчен,
Әле ярый туган тел бар
Тәм табып сөйләр өчен.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: