Туган як

Карлар ява

шигырь

Кыш җитте бит, дисәләр дә,

Бу бары тик сүз әле...

Әле кышларга иртәрәк,

Ноябрь бу! Көз әле!

Аклыкны бик яратсаң да,

Ашыкма, җаным, кышка...

Болай да, гомер тиз үтә,

Болай да, көннәр кыска...

Сагындырса да карлары

Җитмәсен кышым, алдан.

Әле көзнең ачыласы

Күпме серләре калган!

Чаптар йөрәккәем! Кума!

Сабырлар ит,түз әле...

Җиһанда бит мин яраткан

Уңдырышлы көз әле...

Сокландыргыч көз әле...

Илзирә Вәлиуллина

Фото: https://pixabay.com/ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: