Туган як

Инеш кайный

Инеш кайный

Тамчы бии су өстендә,

Инеш кайныйдыр сыман.

Гаҗәпсенеп туктап калдым,

Пар күтәрелә судан.

 

Быгыр-быгыр кайный инеш,

Гүя балык шулпасы.

Инеш-ага, балык-исән,

Юк бер нидән куркасы.

 

Мунча керә төсле таллар,

Кайнар инеш парында.

Мин кызыгып карап торам,

Шушы инеш ярында.

 

Нәрсә булмас, туган як бит,

Ышануың да тиздер.

Бүгенгедәй күз алдында,

Әкияти шул мизгел.

Рифкать Имаев

Фото https://pixabay.com сайтыннан алынды

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: