Туган як

Үзара хезмәттәшлеккә әзерләнәләр

Эшмәкәрлеккә ярдәм итү һәм аны үстерү үзәге белгечләре Түбән Кама политехник көллиятенең җитештерү корпусында булдылар.

Хуҗалар килгән кунакларны электротехника буенча яңа уку-лаборатория комплексы белән таныштырдылар. Бүгенге көндә көллият ТОСЭР резидентлары «Камасталь», «ЦМК», «Преттель-НК», «ОНХ-Строй» белән хезмәттәшлек җепләрен ныгыта. Бу оешмалар өчен кирәкле кадрлар әзерли. Шулай ук, үз базасында әлеге предприятиеләр белгечләренең белемнәрен күтәрү курслары оештыра. Ә көллият студентлары ТОСЭР резидентларында практика үтә.
«Оргнефтехим-Строй»ның баш инженеры Ринат Ибраһимов көллиятнең материаль-техник базасын үстерүдә матди ярдәм күрсәтергә вәгъдә бирде. Аерым алганда көллиятнең эретеп ябыштыру остаханәләре яңартылачак. Чөнки эретеп ябыштыручы һөнәренә, бигрәк тә ул үз эшенең остасы булса, бүгенге көндә ихтыяҗ зур.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: