Җәза күреләчәк
Табибларга язылу вакыты кыскарды. Элек язылу ике атнага ачылган булса, хәзер моны җиде көн эчендә генә эшләп була.
Югыйсә, болай да расписаниедә буш вакытны табу бик авыр. Кешеләр еш кына канәгатьсезлек белдерә. Табиблар сентябрь ае өчен мәгълүматны карагач, электрон чират буенча язылучыларның 22 проценты килмәгәнлеген ачыклаганнар. Димәк, башкаларны да вакытында дәваланудан мәхрүм иткәннәр. Андыйларга карата хастаханә җитәкчелеге үз җәзасын билгели. Өч тапкыр язылып та килмәүчеләр «кара» исемлеккә кертеләчәк. Үзәк хастаханәнең баш табибы Хабибулла Ахмедов әйтүенчә, әлеге авыру интернет аша языла алмаячак. Бары тик хастаханәгә генә килергә туры киләчәк.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев