Туган як

Юлларны һәм зиратларны төзекләндерәчәклә

Бүген Каенлы авыл җирлегендә үзара салым буенча референдум узды. Анда 10 авыл халкы катнашты.

Бүген, 8 декабрьдә, Каенлы авыл җирлегендә үзара салым буенча референдум узды. Ун торак пунктта яшәүчеләр үз авылларын төзекләндерүдә катнашыргамы-юкмы икәнлеген хәл итте. 

Авыл җирлегендә өч сайлау участогы эшли. Тавыш бирүдә тавыш бирү хокукына ия 1668 кеше катнаша.

Программа гамәлгә кергәннән башлап, 2013 елдан бирле, җирлектә юллар ремонтланды, зиратлар төзекләндерелде, Сабантуй мәйданчыкларын төзекләндерү эшләре башланды.

Каенлы авыл җирлеге башлыгы Фәнис Нәбиуллин сөйләвенчә, бүген референдумда җирле халык алты авылда юлларны ремонтлау, зиратларны төзекләндерү, балалар мәйданчыгы төзү мәсьәләсен хәл итә. Моннан тыш, авыл халкы Сабантуй үткәрү өчен мәйданчыкларны төзекләндерүне төгәлләргә планлаштыра.

Авыл халкы үз торак пунктларын төзекләндерүдә катнашырга карар итсә, алар 300әр сум акча тапшырачак.

Исегезгә төшерәбез, әгәр дә район халкының җавабы уңай булса, алар керткән һәр сумга Татарстан бюджеты дүрт сум өстәячәк. 100 процент җыелган очракта, муниципалитет бюджеты җыелган сумманы икеләтә арттырачак.
Анастасия Шакирова Фотосы.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: