Яңа яшьләр үзәге ачыла

«Мондый үзәктә идеяләрегез, планнарыгыз тормышка ашырылырлык мөмкинлекләр булырга тиеш, - дип ассызыклаган ул. - Иң мөһиме: биредә тормыш, хәрәкәт булу». «KoVёR» исемен Айдар Метшин тәкъдим иткән. Бер келәмдәге бизәкләр бер-берсе белән тәңгәл килеп, аны бизәп тора - Түбән Кама яшьләре дә менә шулай бергәләп, берләшеп, бер юнәлештә эшләячәк. Билгеле булганча, биредә төрле оешмалар шөгыльләнә алачак: студентлар хезмәт отряды үзәге, КВН клубы, «ForWard» ирекле оешмасы әгъзалары, волонтерлар һ.б. Һәр оешма өчен аерым кабинет әзерләнгән. Егетләр һәм кызлар әлегә «Эйдос» үзәгендәге кечкенә бүлмәдә җыела.

Җиһазларга килгәндә, барысы да яшьләрчә һәм заманча, җиңеллек һәм уңайлылыкка өстенлек бирелә. Компьютерлар да булачак. Биредә иҗади кичәләр, очрашулар, гомуми җыелышлар, семинарлар уздыру өчен аерым зур зал бар.

 

Капиталь ремонт һәм җиһазландыру, республика программасы нигезендә, муниципалитет һәм бюджеттан тыш акчага ясалган. «KoVёR» җитәкчесе Гөлназ Фәсхетдинова әйтүенчә, үзәк шәһәрдәге һәр яшьләр оешмасы өчен зур яңа мөмкинлекләр ача, проблемаларны хәл итәргә мөмкинлек бирә. Бирегә керү, әлбәттә, бушлай.