Урманнарда учак якмагыз!

Исегезгә төшерәбез: Татарстан Республикасы Министрлар Кабинеты карары нигезендә 15 майга кадәр урманнарда, табигать кочагында учак ягу тыела. Янгын куркынычсызлыгын бозучыларны саллы гына күләмдә штраф көтә (2меңнән 4 меңгә кадәр). Май бәйрәмнәрендә Урман хуҗалыгы, Эчке эшләр органнары хезмәткәрләре тәүлек буе рейдлар үткәрәчәк.

Шулай ук узган елдан калган кипкән үләнне ягу (үз бакчагызда булсагыз да), учак тергезү дә ярамый. Тартырга яратучыларга да бер үтенеч: тәмәке төпчекләрен, сүндерелмәгән шырпыларын җиргә ташлаганда сак булсыннар иде, чөнки 10 янгынның 9ы кеше гаебе белән килеп чыга икән.