Укытучылар форумы

Түбән Камада урнашкан кадетлар мәктәбе хезмәткәрләре делегациясе Санкт-Петербургта узган «Нева мәгариф ассамблея» Бөтенроссия форумында катнашкан. Тарих укытучысы Ольга Макушева кадетларның рухи-әхлакый үсеше һәм тәрбиясе программасы турында сөйләгән. Физика укытучысы Ильяс Сәйфетдинов, химия һәм биология фәннәреннән белем бирүче Эльмира Фәрвазова да тәҗрибәләре белән уртаклашканнар. Форум нәтиҗәләре буенча, Түбән Кама мөгаллимнәренә «Укытучы-новатор – 2019» номинациясе буенча дипломнар тапшырылган. Моннан кала, Татарстан кадет корпусы Россия күләмендәге конкурста «Иң яхшы кадет мәктәбе» номинациясендә лауреат дипломына лаек булган.